Firmoset kontrata e Konsulencës me "JV RAILCON" për linjën hekurudhore Tiranë-Rinas-Durrës

data publikacji 15-04-2015

Ministri i Transportit dhe Infrastrukturës Z. Edmond Haxhinasto, firmosi sot me kompaninë Rail Consulting Joint Venture "JV RAILCON” kontratën e konsulencës, bazuar në marrëveshjen mes Qeverisë Shqiptare dhe BERZh, për hartimin e projektit të detajuar të linjës hekurudhore Tiranë-Rinas-Durrës dhe vlerësimin financiar/ekonomik të të gjithë rrjetit hekurudhor në vend.

Segmenti hekurudhor Tiranë – Durrës është linja me volumin e trafikut më të lartë pasi ajo lidh dy qytetet më të mëdha në vend dhe siguron kalimin për në portin më të madh të mallrave, në Durrës. Ndërkohë, studimet më të fundit kanë nxjerrë konkluzionin se prioritet i ri është edhe degëzimi I ri hekurudhor Tiranë – Rinas, afërsisht 5-8 km gjatësi, në varësi të pikës fundore që lidh Rinasin me linjën hekurudhore.

Zbatimi i këtij projektit do të bëhet nga Ministria e Transportit dhe Infrastrukturës dhe Drejtoria e Përgjithshme e Hekurudhave sh.a.

Ne kuader te ketij projekti po rishikohet mundesia qe te sherbehet me hekurudhe nga dhe per ne terminalin e konteniereve brenda territorit te Autoritetit Portual Durres.

Njoftim

data publikacji 02-06-2015

Hekurudha Shqiptare ka nenshkruar kete muaj nje kontrate per te transportuar 200 mije ton materiale ndertimore inerte nga Kopliku ne drejtim te stacionit te Sukthit.

Kjo eshte nje arritje ne sektorin e Transportit Hekurudhor te Mallrave pasi do te rrise sasine e mallrave qe do te transportohen me hekurudhe ne masen rreth 60% me shume nga planifikimi i vitit 2015, si dhe do te permiresoje performancen financiare te krejt sistemit hekurudhor.

Nenshkrimi i kesaj Kontrate eshte bere me shoqerine ndertimore Beton Plus qe ndodhet ne Koplik te Malesise te Madhe, e cila ka ndertuar nje degezim hekurudhor me gjatesi rreth 900 metra qe lidh rrjetin hekurudhor kryesor shqiptar me Kantierin e saj te prodhimit te inerteve.

Per realizimin e kesaj Kontrate Hekurudha Shqiptare ka pergatitur nje tren me 14 vagona te cilet do te transportojne cdo dite materialin nga Kopliku deri ne stacionin e Sukthit, si dhe ka vene ne funksionim pas nje periudhe te gjate mosperdorimi, infrastrukturen e nevojeshme ne stacionin hekurudhor te Sukthit per shkarkimin e materialit inert.

Kryetari i Kuvendit, z. Ilir Meta dhe Ministri i Transportit dhe Infrastrukturës z. Edmond Haxhinasto marrin pjesë në inaugurimin e stacionit hekurudhor në Kashar

data publikacji 26-05-2015

Kryetari i Kuvendit, z. Ilir Meta mori pjesë në ceremoninë e inaugurimit të Stacionit të ri të Trenit në Kashar. Në këtë ceremoni, z. Meta ishte i shoqëruar nga Ministri i Transporteve dhe Infrastrukturës z. Edmond Haxhinasto, Ministri i Mjedisit, z. Lefter Koka dhe nga Drejtori i Përgjithshëm i Hekurudhave, z. Genc Alizoti. Kryetari i Kuvendit u njoh nga afër me ambientet e reja të stacionit të ri të Trenit në Kashar që aktualisht kryen funksionin edhe të stacionit për Tiranën si edhe me vagonët dhe lokomotivat e riparuara të disa trenave që janë kthyer në standarde bashkëkohore. Në këtë aktivitet, z. Meta ngriti si shqetësim mungesën e një stacioni hekurudhor në Tiranë.

me shume »

Haxhinasto: Do ta ringjallim hekurudhën shqiptare

data publikacji 2014-06-21

Ministri i Transportit dhe Infrastrukturës Edmond Haxhinasto inspektoi sot Bazën e Shërbimit të Mjeteve të Lëvizshme në sektorin e hekurudhës shqiptare pranë zonës së plazhit në Durrës. “Jemi këtu për të parë se çfarë farë potenciali të jashtëzakonshëm ka hekurudha për tu ringjallur dhe për të ofruar ato shërbime të nevojshme që ka zhvillimi i sotëm i vendit. Nga vizita këtu është shumë evidente që është trashëguar një bazë mekanike, teknike e rëndësishme e cila është lënë në degradim te plotë, por me drejtimin e ri të hekurudhës shqiptare kjo bazë po vihet në lëvizje dhe ka një potencial të jashtëzakonshëm së pari për ti shërbyer mjeteve që sot janë në shërbim nga hekurudha si për mallrat ashtu dhe për pasagjerët por edhe për nesër për të pasur mjete të reja”, tha Ministri Haxhinasto gjatë vizitës në këtë bazë...

me shume »

Faqja zyrtare e rrjetit hekurudhor Shqiptar

Sherbimet Sherbimet
praktika